Aizarnabalgo Udala

Udaletxea > Agurra

Udal honek orain dela urte batzuk hasi zuen dinamikari jarraituz, webgune berri bat plazaratzea erabaki dugu herritar guztiei Udal honek azkenengo urte hauetan egin dituen lanak adierazteko eta aurrerantzean egitea pentsatzen duen lanen berri ere emateko, ikusi eta irakurtzeko aukera izan dezazuen.

Urte hauetan aurrean izan dugun zeregina ez da erraza izan. Iharduera aurrerazale batez, herritarren arazo guztientzat soluzioak eta alternatiba zehatzak eskaintzen ahalegindu den Udala egiten saiatu gara, errealitate sozio ekonomiko lokala bultzatu eta suspertzeko gauza izaten ahalegindu den udala erdiesten saiatu gara, esku hartu nahi izan duen herritarrari ateak zabaldu dizkiona, erabakietan zuzeneko partaidetza izateko unean ekimen herritarrari bidea eman diona hitz batez.

Bukatzeko, eta lerro hauek ematen didaten aukera aprobetxatuz, nire eskerrik beroenak Udaleko Zinegotzi guztien izenean eta nerean ere bai, helburu hauek lortzeko lagundu diguten herritar guztieri, eta zuen eritzi eta kritikak jasotzeko Udalaren ateak irekirik egon direla, daudela eta egongo direla esatea nahi genizueke.

Alkatea,